|
SubscriptionsSites I Read
|
|
|
|
| 即時見效5月20日 雨天 今日發現左有樣野比特敏褔更有效,葯廠名應該係『雀巢』 好多人都知道我係唔受得奶類製品既,但比較少人知道我係胃食.
舉個例:我飲維他奶係100%有事,麥精就可能有事.所以我自己一定唔會買維他奶,但如果我屋企人買左,我一打開雪櫃就會心思思想飲(因為總有把聲同我講,好耐冇飲過啦,好耐冇飲過啦..)咁當然我開多一兩次雪櫃後,總會見到我拎住盒維他奶飲.....而係冬天,每逄行過7仔都想買支麥精,因為可能會冇事ma,而且暖笠笠個感覺好正ga.不過要按樽,所以都少買d,但一有機會我都會買... 講左咁耐,究竟『雀巢』咩黎ge le?聰明既你,應該估到,雀巢......係出媡奶的
因為近排仲搵緊工,所以係屋企既時間長左,所以成日都會叫阿媽買/整野食
今日就叫左阿媽整西多士,其實唔難整,兩塊方包中間茶d花生醬,之後加上蛋醬,煎到金黃色就ok,加一pat牛油and媡奶,咁就可以上枱.咁當然啦,味道係好正啦.但....食完唔夠30mins就肚痛=.=........之後夜晚又肚痛多次,去完廁所就啪左粒止瀉葯.到lei刻都冇再痛..... 如果問我有咩比特敏褔更有效,我一定會答你....奶...... | | |
| 5月1日 晴天 Quote YouTube - X-Men Origins: Wolverine Trailer
不嬲都覺得睇戲係可以一個人去睇,因為睇緊戲既途中都好少會同fd傾計,所以我是旦問左1,2個fd,但佢地都唔睇,所以我就一個人入左戲院睇『狼人外傳』
由一開始我就覺得狼人係咁多個變種人中最型既一個,所以今次講佢背後既故事真係好吸引,所以10分,我會俾8.5分~正!  <<<今晚晚餐~~『牛排火腿撈公仔麵』
| | |
| 阿輝廚房4月30日 晴天 今日等我教大家煎牛排啦~  <<<首先預備既材料有,『牛排』,『牛油』
 <<<唔使用咁猛火,中火就差唔多啦
 <<<先落一pat適量既牛油
 <<<牛油溶得咁上下就落主角『牛排』
 <<<煎到咁上下就反一反佢
 <<<到兩邊都差唔多就可以上碟啦
 <<<咁一碟美味既牛排就完成架啦
| | |
| 台灣夜市4月24日 晴天 大家知唔知將軍澳有個『台灣夜市節』? (路人丙:唔知wo~ 我:自己上網搵下啦,死蠢!)* 我今日去左『台灣夜市節』,等post d我相俾大家睇下我今日食d左咩先~~
 <<<頭盆
 <<<餐湯
 <<<主菜
 <<<飯後甜品??
 <<<餐飲 今lei日餐真係好好食好正~~ (路人甲:e?你又話台灣夜市既,乜頭先個d係台灣食品咩? 我:......)
冇錯,我今日真係去左『台灣夜市節』,而我晏畫真係食頭先個d野
 <<<餐牌
(路人甲:我都估到係pizza hut架啦 我:.....你....你死埋一邊啦!)
咁點解我今日去左『台灣夜市節』,但冇食台灣食品le......係....係....係有苦衷既 尋晚一早就問定個fd『東港城』係邊架?如果唔係我實去左將軍澳站
我滿懷無限既期待去到坑口站,唔使兩分鐘就搵到>>>
當然啦,以我既聰明才智,唔使一分鐘就去到會場啦,但換黎既竟然係咁....
由於打擊實在太大啦.....所以我漫無目的咁行左上2樓,落番落去冷清清的會場
 
大家可以數下真係有16個灘檔.....只不過係人地唔做生意
除左會場內,會場外兩邊都有灘檔,一邊係旅行社(冇行過埋去),另一邊係賣台灣小食(睇過下,但真係冇心機.....)
會場內既前科係有個台,據聞蔡依琳係做開幕嘉賓(但咩興趣都冇) 咁冇去得入去,咁我去左邊le?(請自行睇番日記前半段) p.s.我唔知你係唔知咩係『台灣夜市節』,不用告訴我,你就是死蠢 -------------------------------------------------------------截錄自My Spaces | | |
|
