九型人格

10月19日  陰雨天

又做左個九型人格既測驗,點解又呢,因為之前做過幾次,但個結果係咩都唔記得lu

今次既結果係咁~

做佢個180題問題都已經做到我慶慶地,有冇人可以講番我聽,我個結果係咁,咁即係我係咩人呀?

個test個網: http://tiquiz.blogspot.com/2007/08/180.html

有新野玩

10月13日  晴天

尋晚終於拎左netbk,fuji呀,真係好靚,今次呢篇都係用佢打

今年poly既優惠係fuji,我就買左m2010,加到2gb ram都係3088ja,出便買緊4999呀(連mouse+燒碟機).
所以我覺得超抵.(ps見到有地方更抵唔需要同我講).不過暫時屋企未可以wifi.所以要連住lan線><超煩.anyway,我俾呢部機10分滿分

正常晚餐

唉...我都知有d事架啦,返工又有同事帶口罩,返學又有,連屋企都有人啱啱病好,咁既情況又點少得我個份呢

呢期傷風感冒,但好在唔算嚴重(在看這xanga的人們,請不要黑心).咁今日病病地所以食左個正常既晚餐

今次食既餐冇上次咁過份,但都有三塊扒,分別係雞,牛,豬(排名絕對分先後)+一塊煙肉+一條腸.
如果你本身冇要求既話,我都會推介你食,但你有要求我會強烈建議你食我上次講個個.
今次10分有5.5~6分啦

再夜d既時候好似做左毒販咁...因為聽日番工,所以聽日會收工先食一次葯,所以就將幾粒葯入埋一個袋,之後我數一數d袋既數又夠wo,咁所以分晒一次一袋葯
俾個IQ題大家,大家估下我睇左幾多次醫生,每次d葯又有咩唔同呢?

最後放一張唔記得幾時又唔記得邊度影既相

點解我會影左lei張相呢,大家又估下 

大得離譜

10月11日  微雨天

上個禮拜食左件大到痴線既牛扒.今日又買左個大到癲左既袋

 <~~一睇餐牌,就見到『巨無霸』?肉眼扒?有幾巨呀!(心諗)
咁我不嬲食量都ok大既(當然要睇下食咩啦), 咁諗住我一定食得晒啦,點知....
<~~一上枱,我就心鬧左一句『痴線架!大到咁?邊有人食得晒架!』
圖中紅色個粒係車厘茄.咩話, 圖中把刀同叉好細把?我想話刀同叉都係normal size.只不過係塊扒大到痴左.
我一路食個心都一直鬧緊『痴線架!』...最後我都得晒......d意粉,但塊扒真係食唔晒.食淨1/6~1/5塊到..雖然我係夜晚1900食到1945,但係.....我到第二朝都仲飽緊...係真係飽個個飽....痴線
咁好唔好味呀?我真心覺得係比紅樹林差少少(真係好少),但以西餐廳黎講,就好好食,再加上佢既價錢真係大件夾扺食,我覺得兩個人食一個餐都得~~間野叫炳記西餐館~~

今日約左d親戚1400係旺角飲茶,但我1300就到左旺角,係sony style擺扺左部壞壞地既PSP,咁之後就去左兆萬行左個圈...但原來13XX係無野行的..最後1330就離開左兆萬,咁諗住再周圍hea下,咁經過chocoolate咪入去hea下囉,行左個圈,準備走個時,見到門口有個純藍色袋
咁我隨口問個sale,lei個款有冇大size d架?咁佢就摷啦,咁佢摷既途中,摷出左個純黑色既袋,咁頭先門口款個袋既大size版呢?個sale好落力咁sell個個款,但.....not my cup of tea囉
至於個純黑袋,我求其拎上手check兩check就去俾錢lu(p.s.個袋好平,$299ja).番屋企睇真d先發覺,原來個袋好好好大個.有幾大?睇下面既連環圖啦~

<<開封前
<<開封後
<<放左d野係入面
<<原來係我個outdoor

-------------------------------------------------------------截錄自My Spaces

搵鬼黎買

8月9日  晴熱天

荃灣有間賣台式飲品的店~Come Buy~原來有中文名的

這間野一直都好好生意,就算大熱天時,d客要係馬路邊等都大把人買.不過我就冇試過,唔係睇唔上眼,而係腸胃差,唔敢亂咁試.
但早一個星期我行過竟然見到冇人,望一望錶,原來已經夜晚11點多.雖然路上冇咩人行過.就算有人都係得兩種 : 1.放工/玩完之後趕返屋企  2.趕唱k/打機/篤波的人(因為荃灣有很多這樣的地方).試問佢地又點會買野飲.....不過d員工好得意,佢地竟然好落力咁叫賣『好好飲架,好抵架』

咁你話佢地咁落力叫賣係叫俾邊個聽?咁你話佢個中文係咩啦